திருவண்ணாமலை கார்த்திகை தீபத்திருவிழா நிறைவு

திருவண்ணாமலை கார்த்திகை தீபத்திருவிழா, மகா தீபப் கொப்பரை பூஜையுடன் நிறைவடைந்தது.

உலக பிரசித்தி பெற்ற திருவண்ணாமலை அண்ணாமலையார் கோயில், கார்த்திகை மகா தீபம் கடந்த 10ஆம் தேதி வெகுவிமரிசையாக நடைபெற்றது. கோயில் பின்புறம் உள்ள 2 ஆயிரத்து 668 அடி உயர மலை உச்சியில் மகா தீபம் ஏற்றப்பட்டது. தொடர்ந்து 11 நாட்களாக காலை 6 மணிக்கு ஒரு முறையும், மாலை 6 மணிக்கு ஒருமுறையும் தீபம் ஏற்றப்பட்டது. மலை மீது மகா தீபம் பிரகாசித்து வந்த நிலையில், நேற்று மலையில் இருந்து மகா தீபக் கொப்பரை கோயிலுக்கு கொண்டுவரப்பட்டது. மகா தீப கொப்பரைக்கு சாயரட்சை அபிஷேகம் செய்ததை தொடர்ந்து கார்த்திகை தீப திருவிழா நிறைவடைந்தது.