மக்கள் நீதி மய்யம் கட்சியின் இரண்டாம் கட்ட வேட்பாளர்கள் பட்டியல் வெளியிடப்பட்டது. மக்களவைத் தேர்தலில் போட்டியிடும் மக்கள் நீதி மய்யம் கட்சியின் முதற்கட்ட வேட்பாளர்கள் பட்டியல் அண்மையில் வெளியிடப்பட்டது. இந்நிலையில், கோவையில் நடைபெற்ற கட்சி விழாவில் 2ம் கட்ட வேட்பாளர்கள் பட்டியல் மற்றும் சட்டமன்ற இடைத்தேர்தலில் போட்டியிடும் வேட்பாளர்கள் பட்டியலை அக்கட்சியின் தலைவர் கமல் வெளியிட்டார்.
அதன்படி, கோவையில் மகேந்திரன், சிவகங்கையில் சினேகன் ஆகியோர் போட்டியிடுகின்றனர். மக்களவைத் தேர்தலில் கமல் போட்டியிடுவார் என்று எதிர்பார்க்கப்பட்ட நிலையில், அவர் பின் வாங்கியுள்ளது குறிப்பிடத்தக்கது.