சென்னை அடுத்துள்ள மாதவரம் அருகே பூட்டியிருந்த வீட்டின் கதவை உடைத்து 5 லட்சம் ரூபாய் மதிப்புள்ள தங்க நகைகளை மர்ம நபர்கள் கொள்ளையடித்து சென்றனர்
செங்குன்றம் அடுத்துள்ள அழிஞ்சிவாக்கம் செல்வ விநாயகர் நகரை சேர்ந்த வாசுதேவன், கடந்த 14ஆம் தேதி வீட்டை பூட்டி விட்டு குடும்பத்துடன் மதுராந்தகம் சென்று விட்டார். இந்த நிலையில் வாசுதேவன் மீண்டும் வீட்டிற்கு வந்து பார்த்தபோது வீட்டின் கதவுகள் உடைக்கப்பட்டிருந்தன. வீட்டிலிருந்த பீரோ உடைக்கப்பட்டு அதிலிருந்த 20 சவரன் நகை ,அரை கிலோ வெள்ளி பொருட்கள் மற்றும் ரொக்கப்பணம் 35 ஆயிரம் கொள்ளையடிக்கப்பட்டிருந்தது. இச்சம்பவம் குறித்து செங்குன்றம் போலிசார் வழக்குப்பதிவு செய்து மர்ம நபர்களை தேடி வருகின்றனர்.