ஜப்பான் ஓபன் பேட்மிண்டன் தொடரில் முதலாவது சுற்றில் இந்தியாவின் பிரனாய், மற்றொரு இந்திய வீரர் கிடாம்பி ஸ்ரீகாந்தை வீழ்த்தி, 2 ஆம் சுற்றுக்கு முன்னேறினார். அண்மையில் தொடங்கிய ஜப்பான் ஓபன் பேட்மிண்டன் தொடரில், பல்வேறு நாடுகளைச் சேர்ந்த முன்னணி வீரர்கள் பங்கேற்றுள்ளனர். இதில், இந்தியாவின் முன்னணி வீரர்கள் பலர் பங்கேற்றுள்ள நிலையில், ஆண்கள் ஒற்றையை பிரிவில் உலகின் 10 ஆம் நிலை வீரரான இந்தியாவின் பிரனாய், மற்றொரு இந்திய வீரரான கிடாம்பி ஸ்ரீகாந்தை எதிர்கொண்டார்.
59 நிமிடங்கள் நடந்த இப்போட்டியில், ஸ்ரீகாந்த் 21 க்கு 13 என்ற செட் கணக்கில் முன்னிலை பெற்றார். இதன் பிறகு சுதாரித்துக் கொண்ட பிரனாய் இரண்டாவது சுற்றை 21 க்கு 11 என்ற செட் கணக்கிலும், 3 வது சுற்றை 22 க்கு 20 என்ற செட் கணக்கிலும் கைப்பற்றி அசத்தினார்.
இதன் மூலம் பிரனாய் 2 வது சுற்றுக்கு முன்னேறியுள்ளார். தற்போது நடைபெற்று வரும் பெண்கள் ஒற்றையர் பிரிவின் முதல் சுற்று போட்டியில் இந்தியாவின் பி.வி.சிந்து, சீனாவின் ஹன் யூவை எதிர் கொண்டு விளையாடி வருகிறார்.