ஸ்ரீவில்லிபுத்தூர் அருகே நெடுங்குளம் கிராமத்தில் ஜல்லிக்கட்டுப் போட்டி விமர்சையாக நடைபெறுகிறது. விருதுநகர் மாவட்டம் ஸ்ரீவில்லிபுத்தூர் அருகே கூமாப்பட்டி நெடுங்குளம் கிராமத்தில் ஜல்லிக்கட்டு போட்டி நடைபெற்று வருகிறது. போட்டியை அதிமுக சட்டமன்ற உறுப்பினர் சந்திரபிரபா முத்தையா துவக்கி வைத்தார். இந்த போட்டியில் மதுரை, சிவகங்கை, தேனி, ராமநாதபுரம், புதுக்கோட்டை உள்ளிட்ட பகுதிகளை சேர்ந்த 250 காளைகள் மற்றும் 150 மாடுபிடி வீரர்கள் பங்கேற்றுள்ளனர்.
போட்டியில் ஒரு குழுவிற்கு 30 பேர் வீதம் களம் இறங்கி விளையாடி வருகின்றனர். சீறிவரும் காளைகளை இளைஞர்கள் ஆர்வத்துடன் அடக்க முற்பட்டது பார்வையாளர்களை வெகுவாக கவர்ந்தது.