சேந்தமங்கலம் அடுத்த அலங்காநத்தத்தில் பொங்கல் பண்டிகையை முன்னிட்டு வரும் 7ஆம் தேதி ஜல்லிக்கட்டு போட்டிகள் நடைபெற உள்ளதையொட்டி அதற்கான முன்னேற்பாட்டு பணிகள் தீவிரமாக நடைபெற்று வருகின்றன.
நாமக்கல் மாவட்டம் சேந்தமங்கலம் அடுத்த அலங்காநத்தத்தில் பொங்கல் பண்டிகையை முன்னிட்டு வரும் 7ஆம் தேதி ஜல்லிக்கட்டு போட்டிகள் நடைபெற உள்ளன. ஜல்லிக்கட்டு போட்டிக்கு சுமார் 2 ஏக்கர் பரப்பளவில் இருபுறமும் பொதுமக்களின் பார்வைக்காக கிட்டி கட்டப்பட்டும் பணிகள் நடைபெற்று வருகிறது. மேலும் ஜல்லிக்கட்டு போட்டியில் கலந்து கொள்ளும் 100 காளைகள மற்றும் 100 மாடுபிடி வீரர்கள் பதிவு செய்யப்பட்டு அனுமதிச்சீட்டு வழங்கும் பணிகளும் நடைபெற்று வருகிறது. மருத்துவ குழுவினர்கள், கால்நடை மருத்துவர்கள், காவல்துறையினர் மற்றும் வருவாய் துறையினர் என 6 குழுவினர்களும் 200க்கும் மேற்பட்ட போலீசாரும் பாதுகாப்பு பணியில் ஈடுபட உள்ளனர்.