ஈரோட்டில் இரண்டாவது ஆண்டாக, ஜல்லிக்கட்டு போட்டி விறுவிறுப்பாக நடைபெற்று வருகிறது.
ஈரோடு ஜல்லிக்கட்டு பேரவையுடன், நியூஸ் ஜெ தொலைக்காட்சி இணைந்து ஜல்லிக்கட்டு போட்டியை நடத்துகிறது. ஜல்லிக்கட்டை, அமைச்சர்கள் தங்கமணி, செங்கோட்டையன், கருப்பணன் ஆகியோர் கொடியசைத்து தொடங்கி வைத்தனர். இந்த போட்டி பெருந்துறை ரோடு பவளத்தாம்பாளையம் ஏ.ஈ.டி பள்ளி மைதானத்தில் நடைபெற்று வருகிறது. ஜல்லிக்கட்டு திருவிழாவில் 385 காளைகளும், 350 வீரர்களும் பங்கேற்றுள்ளனர். ஆயிரக்கணக்கான மக்கள் ஆரவாரத்துடன் போட்டியை ரசித்து வருகின்றனர்.