சேலம் மாவட்டம் தம்மம்பட்டியில் ஜல்லிக்கட்டு போட்டி கோலாகலமாக நடைபெற்றது.
சேலம் மாவட்டம் தம்மம்பட்டியில் காலை 10 மணிக்கு துவங்கிய ஜல்லிக்கட்டு போட்டியினை மாவட்ட ஆட்சியர் ராமன் கொடியசைத்து துவக்கி வைத்தார். இந்த போட்டியில் சேலம், மதுரை, புதுக்கோட்டை உள்ளிட்ட பல்வேறு பகுதிகளிலிருந்து வந்த 700க்கும் மேற்பட்ட காளைகளும், 500 மாடுபிடி வீரர்களும் பங்கேற்றனர்.
மாடுபிடி வீரர்கள் மருத்துவ பரிசோதனை செய்த பின் போட்டியில் கலந்து கொள்ள அனுமதிக்கபட்டனர். ஜல்லிக்கட்டு போட்டியில் 500க்கும் மேற்பட்ட காவல்துறையினர் பாதுகாப்பு பணியில் ஈடுபடுத்தப்பட்டிருந்தனர். காளைகளும், காளையர்களும் முட்டி, மோதுவதை காண கிராம மக்கள் ஏராளமானோர் குவிந்திருந்தனர்.