சென்னை எழும்பூர் ரயில் நிலையத்துக்குச் சிறப்பான செயல்பாடு, தூய்மையான பராமரிப்பு ஆகியவற்றுக்காக ஐஎஸ்ஒ தரச்சான்றிதழ் கிடைத்துள்ளது.
சென்னை எழும்பூரில் இருந்து தமிழகத்தின் பெரும்பாலான பகுதிகளுக்கும், ஆந்திரம், அசாம் உள்ளிட்ட மாநிலங்களுக்கும் ரயில்கள் இயக்கப்பட்டு வருகின்றன. நாள்தோறும் நூற்றுக்கும் மேற்பட்ட ரயில்கள் வந்து செல்கின்றன. லட்சத்துக்கு மேற்பட்ட பயணிகளும் வந்து செல்கின்றனர். இந்நிலையில் ரயில்கள் இயக்கத்துக்கான வசதிகள் வழங்குதல், தொலைத்தொடர்பு, நிலையப் பராமரிப்பு, பயணிகளுக்கான வசதிகளைச் செய்துகொடுத்தல், சரக்குகளைக் கையாளுதல் ஆகியவற்றில் சிறந்த செயல்பாட்டுக்காகச் சென்னை எழும்பூர் ரயில் நிலையத்துக்கு ஐஎஸ்ஓ தரச்சான்றிதழ் வழங்கப்பட்டுள்ளது.