கொல்கத்தா-பெங்களூரு அணிகளுக்கு இடையே இன்று நடைபெறவிருந்த ஐபிஎல் போட்டி ஒத்தி வைக்கப்படுவதாக பிசிசிஐ தெரிவித்துள்ளது.
கடந்த ஏப்ரல் 9-ம் தேதி தொடங்கிய 14-வது ஐபிஎல் போட்டி, அகமதாபாத், டெல்லி, மும்பை, சென்னை ஆகிய பகுதிகளில் நடைபெற்று வருகிறது. 8 அணிகள் கொண்ட இந்த தொடரில் 29 லீக் ஆட்டங்கள் முடிவுற்ற நிலையில், கொல்கத்தா-பெங்களூரு அணிகளுக்கு இடையே இன்று இரவு 7.30 மணிக்கு அகமதாபாத்தில் நடைபெறவிருந்த 30-வது லீக் ஆட்டம் திடீரென ஒத்தி வைக்கப்படுவதாக பிசிசிஐ அறிவித்துள்ளது. கொல்கத்தா அணி வீரர்கள் வருண் சக்ரவர்த்தி மற்றும் சந்தீப் ஆகியோருக்கு கொரோனா தொற்று இருப்பது உறுதி செய்யப்பட்டதால், இன்று நடைபெறவிருந்த ஆட்டம் மற்றொரு நாளுக்கு ஒத்தி வைப்பதாக பிசிசிஐ தெரிவித்துள்ளது.