ஐபிஎல் தொடரில் கொல்கத்தா நைட் ரைடர்ஸ் அணிக்கு எதிரான பரபரப்பான போட்டியில் சென்னை சூப்பர் கிங்ஸ் அணி 5 விக்கெட் வித்தியாசத்தில் திரில் வெற்றி பெற்றது. ஐபிஎல் கிரிக்கெட் தொடரின் 29 வது லீக் போட்டி கொல்கத்தா ஈடன் காடர்ன் மைதானத்தில் நடைபெற்றது. இதில், புள்லி பட்டியலில் முதலிடத்தில் இருக்கும் அணியும் நடப்பு சாம்பியனுமான சென்னை சூப்பர் கிங்ஸ் அணியும் கொல்கத்தா நைட் ரைடர்ஸ் அணியும் பலப்பரீட்சை நடத்தின. டாஸ் வென்ற சென்னை அணி பந்து வீச்சை தேர்வு செய்தது. அதன் படி பேட்டிங்கை தொடங்கிய கொல்கத்தாவின் தொடக்க ஆட்டக்காரர் கிறிஸ் லின் அதிரடியாக ஆடி ரன்களை குவித்தார். சிறப்பாக விளையாடி அரை சதம் அடித்த கிறிஸ் லின் 51 பந்துகளில் 6 சிக்சர் உள்பட 82 குவித்து ஆட்டமிழந்தார்.
கடைசி கட்டத்தில் சென்னை அணியின் கட்டுக் கோப்பான ஃபீல்டிங்கால் 20 ஓவர் முடிவில் கொல்கத்தா அணி 8 விக்கெட்டுகளை இழந்து 161 ரன்கள் மட்டுமே எடுத்தது. சிறப்பாக பந்து வீசிய இம்ரான் தாஹீர் 4 விக்கெட்டுகளை வீழ்த்தினார்.
162 ரன்கள் எடுத்தால் வெற்றி என களமிறங்கிய சென்னை அணி 19.4 ஓவர்களில் 162 ரன்கள் எடுத்து வெற்றி பெற்றது. சென்னை அணியில் ரெய்னா சிறப்பாக ஆடி 42 பந்துகளில் 58 ரன்கள் எடுத்து இறுதி வரை ஆட்டம் இழக்காமல் இருந்தார்.