விக்கிரவாண்டி மற்றும் நாங்குநேரி தொகுதிகளுக்கான இடைத்தேர்தலில், விருப்ப மனு தாக்கல் செய்தவர்களிடம் அதிமுக ஆட்சிமன்றக் குழு நேர்காணல் நடத்தி வருகிறது.
காலியாக உள்ள இந்த இரண்டு சட்டமன்றத் தொகுதிகளுக்கான இடைத்தேர்தல், அடுத்த மாதம் 21-ம் தேதி நடைபெறுகிறது. இதில், அதிமுக சார்பில் போட்டியிட விரும்புவோர் விருப்ப மனுக்கள் கட்சி தலைமை அலுவலகத்தில் கடந்த இரண்டு நாட்களாக பெறப்பட்டது. இந்நிலையில், விருப்ப மனுக்கள் பெறும் பணி இன்று மாலை 3 மணியுடன் நிறைவடைந்தது. அதிமுக ஒருங்கிணைப்பாளர் மற்றும் இணை ஒருங்கிணைப்பாளர் தலைமையில், விருப்ப மனு தாக்கல் செய்தவர்களிடம் நேர்காணல் நடைபெறுகிறது. அதிமுக ஆட்சி மன்றக் குழு முன்னிலையில் நேர்காணல் நடைபெறுகிறது.