மக்களவை தேர்தலில் போட்டியிட விருப்ப மனு அளித்தவர்களுக்கு இன்று நேர்காணல்

அதிமுக சார்பில் மக்களவை தேர்தலில் போட்டியிட விருப்பமனு அளித்தவர்களுக்கான நேர்காணல் இன்று அதிமுக தலைமை அலுவலகத்தில் தொடங்குகிறது.

மக்களவை தேர்தல் மற்றும் 18 தொகுதிகளுக்கான இடைத்தேர்தலில் அதிமுக சார்பில் போட்டியிட விருப்பமனு அளித்தவர்களுக்கான நேர்காணல் மார்ச் 11 மற்றும் 12ஆம் தேதி நடைபெறும் என அறிவிக்கப்பட்டிருந்தது. அதன்படி அதிமுக ஒருங்கிணைப்பாளர் ஓ. பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் தலைமையில் இன்று காலை 9.30 மணிக்கு ராயப்பேட்டை தலைமை அலுவலகத்தில் வேட்பாளர்களுக்கான நேர்காணல் தொடங்குகிறது. இன்றும், நாளையும் நடைபெறும் நேர்காணலில் வேட்பாளர்கள் தேர்வு செய்யப்பட உள்ளனர்.