பாகிஸ்தானை ஒட்டிய இந்திய எல்லையில் இந்திய போர் விமானங்கள் தீவிர பயிற்சியில் ஈடுபட்டன. புல்வாமா பயங்கரவாத தாக்குதலில் துணை ராணுவ படை வீரர்கள் 40 பேர் வீரமரணம் அடைந்தனர். இதற்கு பதிலடி அளிக்கும் வகையில், பாகிஸ்தானின் பாலகோட்டில் உள்ள ஜெய்ஷ் இ முகமது பயங்கரவாத அமைப்பின் முகாம் மீது இந்திய விமானப்படை விமானங்கள் தாக்குதல் நடத்தின.
இதனையடுத்து இந்திய பகுதிக்குள் ஊடுருவிய பாகிஸ்தானின் அதிநவீன போர் விமானமான, எப் – 16 விமானம் சுட்டு வீழ்த்தப்பட்டது. இந்த நிலையில் பாகிஸ்தான் விமானப்படை விமானங்கள் இந்திய பகுதிக்குள் ஊடுருவி அத்துமீறலில் ஈடுபட்டால், பதிலடி கொடுக்கும் வகையில், பாகிஸ்தானை ஒட்டிய இந்திய எல்லை பகுதியில், இந்திய போர் விமானங்கள் தீவிர பயிற்சியில் ஈடுபட்டன.