இந்திய-நியூசிலாந்து அணிகளுக்கு இடையிலான 3-வது மற்றும் கடைசி ஒருநாள் கிரிக்கெட் போட்டியில், டாஸ் வென்ற நியூசிலாந்து அணி, பந்துவீச்சை தேர்வு செய்துள்ளது.
விராட்கோலி தலைமையிலான இந்திய அணி, நியூசிலாந்தில் சுற்றுப்பயணம் செய்து விளையாடி வருகிறது. இவ்விரு அணிகளுக்கு இடையிலான 5 ஆட்டங்கள் கொண்ட 20 ஓவர் தொடரை, இந்தியா 5-0 என்ற கணக்கில் வெற்றிபெற்றது. இதனைத் தொடர்ந்து, 3 ஆட்டங்கள் கொண்ட ஒருநாள் போட்டி தொடரில், இவ்விரு அணிகளும் விளையாடி வருகின்றன. இதில், முதல் 2 போட்டிகளில் நியூசிலாந்து அணி வெற்றி பெற்று, 2-0 என்ற கணக்கில் முன்னிலை பெற்றதுடன், தொடரையும் கைப்பற்றியது. இந்தநிலையில், 3-வது மற்றும் கடைசி ஒருநாள் கிரிக்கெட் போட்டி மவுண்ட் மவுங்கானு மைதானத்தில் நடைபெறுகிறது. இதில், டாஸ் வென்ற நியூசிலாந்து அணி, இந்திய அணியை பேட்டிங் செய்ய பணித்தது. இந்தப் போட்டியில் இந்திய அணி ஆறுதல் வெற்றிபெறுமா என ரசிகர்கள் ஆவலுடன் எதிர்நோக்கியுள்ளனர்.