ஈரோட்டில் இந்திய ராணுவத்திற்கு ஆள் தேர்வு முகாம்

ஈரோட்டில் நடைபெற்று வரும் இந்திய ராணுவத்திற்கான ஆட்களை தேர்வு செய்யும் முகாமில், 2 ஆயிரத்து 500க்கும் மேற்பட்டோர் கலந்து கொண்டனர்.

ஈரோடு வ.உ.சி பூங்கா மைதானத்தில் இந்த முகாம் நடைபெற்று வருகிறது. கோவை, மதுரை, சேலம், திண்டுக்கல், திருப்பூர், நீலகிரி உள்ளிட்ட 11 மாவட்டங்களைச் சேர்ந்த இளைஞர்கள் இதில் ஆர்வமுடன் பங்கேற்றுள்ளனர். இன்று முதல், செப்டம்பர் 2 ஆம் தேதி வரை நடைபெறும் தேர்வு முகாமிற்கு, விண்ணப்பித்த 30 ஆயிரம் பேருக்கு அழைப்பு விடுக்கப்பட்டுள்ளது.

முதல் நாளில் 2 ஆயிரத்து 600 பேர் முகாமில் பங்கேற்றனர். 1 புள்ளி 6 கிலோ மீட்டர் ஓட்டம், நீளம் தாண்டுதல் உள்ளிட்ட உடல் தேர்வுகளும், மருத்துவப் பரிசோதனைகளும் நடத்தப்படுகிறது. நள்ளிரவு 12.30 மணி முதல், அதிகாலை 7.30 மணி வரை இந்த முகாம் நடைபெறுகிறது.