மாற்றுதிறனாளிகளுக்கான 20 ஓவர் உலக கிரிக்கெட் தொடரின் இறுதி போட்டியில் இங்கிலாந்தை வீழ்த்திய இந்திய கிரிக்கெட் அணி கோப்பையை கைப்பற்றியது.
6 நாடுகள் பங்கு பெற்ற மாற்று திறனாளிகளுக்கான 20 ஓவர் உலக கிரிக்கெட் தொடர் இங்கிலாந்தில் நடைபெற்று வந்தது. இதில் பாகிஸ்தானை வீழ்த்திய இந்தியாவும், ஆஃப்கானிஸ்தானை வீழ்த்திய இங்கிலாந்தும் இறுதி போட்டிக்கு முன்னேறின. இப்போட்டியில் டாஸ் வென்ற இந்தியா பேட்டிங்கை தேர்வு செய்தது. அதன்படி பேட்டிங்கை தொடங்கிய இந்தியா ரவீந்திர சாண்டியின் அதிரடியான அரைசதத்தால், 180 ரன்கள் குவித்தது. இதனையடுத்து 181 ரன்கள் எடுத்தால் வெற்றி என்ற இலக்குடன் களம் இறங்கிய இங்கிலாந்து, 144 ரன்கள் மட்டுமே எடுத்தது. இதனால், இந்தியா 36 ரன்கள் வித்தியாசத்தில் வெற்றி பெற்று கோப்பையை கைப்பற்றியது. வெற்றி பெற்ற இந்திய அணிக்கு பலரும் வாழ்த்துக்களை தெரிவித்து வருகின்றனர்.