இந்தியாவில் ஒரே நாளில் 2 லட்சத்து 59 ஆயிரம் பேருக்கு கொரோனா பாதிப்பு உறுதி செய்யப்பட்டுள்ளது.
கடந்த 24 மணி நேரத்தில் 2 லட்சத்து 59 ஆயிரத்து 170 பேருக்கு கொரோனா பாதிப்பு உறுதி செய்யப்பட்டதால் இந்தியாவின் மொத்த பாதிப்பு ஒரு கோடியே 53 லட்சத்து 21 ஆயிரத்து 89 ஆக அதிகரித்துள்ளது.
கொரோனா பாதிப்பு நேற்று 2 லட்சத்து 61 ஆயிரமாக இருந்த நிலையில், இன்று சற்று குறைந்துள்ளது.
ஒரே நாளில் கொரோனாவால் ஆயிரத்து 761 பேர் உயிரிழந்ததால் பலி எண்ணிக்கை ஒரு லட்சத்து 80 ஆயிரத்து 530 ஆக உயர்ந்துள்ளது.
தற்போது 20 லட்சத்து 31 ஆயிரத்து 977 பேர் சிகிச்சையில் உள்ள நிலையில் இதுவரை 12 கோடியே 71 லட்சத்து 29 ஆயிரத்து 113 பேர் தடுப்பூசி செலுத்தி கொண்டதாக மத்திய சுகாதாரத்துறை தெரிவித்துள்ளது.