பாகிஸ்தானுடனான உலக கோப்பை கிரிக்கெட் லீக் போட்டியில் இந்திய அணி வெற்றிபெற வேண்டி ரசிகர்கள் சிறப்பு பிரார்த்தனைகளில் ஈடுபட்டுள்ளனர்.
உலக கோப்பை கிரிக்கெட் போட்டியின் லீக் ஆட்டத்தில் இந்தியா-பாகிஸ்தான் அணிகள் இன்று பலப்பரீட்சை நடத்துகின்றன. விடுமுறை தினமான ஞாயிற்றுக்கிழமை நடைபெறும் இப்போட்டியை நேரலையில் காண பல்வேறு இடங்களில் சிறப்பு ஏற்பாடுகள் செய்யப்பட்டுள்ளன. இந்தநிலையில் பாகிஸ்தானுடனான லீக் போட்டியில் இந்திய அணி வெற்றிபெற வேண்டி ரசிகர்கள் சிறப்பு வழிபாடுகளில் ஈடுபட்டுள்ளனர். உத்தரப்பிரதேச மாநிலம் பிரக்யாராஜ் நகரில் கிரிக்கெட் ரசிகர்கள் கோயில் ஒன்றில் ஹோமம் வளர்த்து இந்திய அணியின் வெற்றிக்காக சிறப்பு பூஜை நடத்தினர்.