டெல்லியில் நாளை நடைபெற உள்ள முதல் 20 ஓவர் போட்டியில் இந்திய அணியுடன் விளையாட உள்ள வங்கதேசக் கிரிக்கெட் அணியினர் தீவிரப் பயிற்சியில் ஈடுபட்டுள்ளனர்.
வங்கதேசக் கிரிக்கெட் அணி இந்தியாவில் சுற்றுப் பயணம் செய்து 3 இருபது ஓவர் போட்டிகளிலும், 2 டெஸ்ட் போட்டிகளிலும் விளையாட உள்ளது. இரு அணிகளுக்கு இடையிலான முதல் 20 ஓவர் போட்டி டெல்லியில் நாளை மாலை 7 மணிக்குத் தொடங்க உள்ளது. இந்தப் போட்டியில் விளையாட உள்ள வங்கதேச வீரர்கள் மைதானத்தில் தீவிரப் பயிற்சியில் ஈடுபட்டனர். டெல்லியில் காற்றில் மாசு அளவு அதிகரித்துள்ள நிலையில் வீரர்கள் ஓரிருவர் காற்றுமாசை வடிகட்டும் முகமூடியை அணிந்து பயிற்சியில் ஈடுபட்டது குறிப்பிடத் தக்கது.