ஆஷஸ் தொடரின் 3ஆவது டெஸ்ட் போட்டியில், இங்கிலாந்து அணியின் ஜோஃபர் ஆர்ச்சர் சிறப்பாக பந்து வீசி 6 விக்கெட்டுகளை சாய்த்தார்.
இங்கிலாந்தில் உள்ள லீட்ஸ் மைதானத்தில் நேற்று தொடங்கிய போட்டியில், மழையால் ஆட்டம் தொடங்குவதில் தாமதம் ஏற்பட்டது. பின்னர் தொடங்கிய ஆட்டத்தில் டாஸ் வென்ற இங்கிலாந்து அணி பந்து வீச்சை தேர்வு செய்தது. இதனையடுத்து களமிறங்கிய ஆஸ்திரேலிய அணி, இங்கிலாந்து வீரர் ஜோஃபர் ஆர்ச்சரின் சிறப்பான பந்துவீச்சால் அடுத்தடுத்து விக்கெட்டுகளை இழந்து தடுமாறியது. ஆஸ்திரேலிய அணியின் டேவிட் வார்னர், மார்னஸ் லாபுசாக்னே மட்டும் அரைசதம் அடித்தனர். ஜோஃபர் ஆர்ச்சர் சிறப்பாக பந்து வீசி 6 விக்கெட்டுகளை சாய்த்தார். முதல் ஆட்ட நேர முடிவில் ஆஸ்திரேலிய அணி 179 ரன்களுக்கு ஆல் அவுட் ஆனது.