புதுக்கோட்டை மாவட்டத்தில் வெள்ளம் மற்றும் தீ விபத்துகளில் சிக்கியவர்களை காப்பாற்றுவது குறித்த விழிப்புணர்வு நிகழ்ச்சி நடத்தப்பட்டது.
தீயணைப்பு துறையினர் சார்பில் நடத்தப்பட்ட இந்த நிகழ்ச்சியில் வடகிழக்கு பருவமழையின் போது ஏற்படக்கூடிய பாதிப்புகளில் இருந்து மீள்வது, தீவிபத்து போன்றவற்றை தடுப்பது, வெள்ளத்தில் சிக்கி கொள்ளும் மக்களை காப்பாற்றுவது உள்ளிட்டவை குறித்து புதுக்கோட்டை தீயணைப்பு துறையினர், புதுக்கோட்டை நகராட்சி ஊழியர்கள் மற்றும் அரசு அலுவலர்களுக்கு செய்முறை விளக்கம் அளிக்கப்பட்டது. இந்நிகழ்ச்சியில் புதுக்கோட்டை தீயணைப்பு துறை மாவட்ட அதிகாரி செழியன் தலைமையில் ஏராளமான தீயணைப்பு துறையினர் கலந்து கொண்டனர்.