ஜம்மு காஷ்மீரில் தீவிரவாதிகள் இருவர் சுட்டுக்கொலை

ஜம்மு காஷ்மீரில் பாதுகாப்புப் படையினருக்கும் தீவிரவாதிகளுக்கும் இடையே நடைபெற்ற துப்பாக்கிச்சூட்டில் தீவிரவாதிகள் 2 பேர் சுட்டுக் கொல்லப்பட்டனர்.

தெற்கு காஷ்மீரின் சோபியான் மாவட்டத்தில் உள்ள அத்காரா பகுதியில் தீவிரவாதிகள் பதுங்கியுள்ளதாக கிடைத்த தகவலையடுத்து, அப்பகுதியில் பாதுகாப்புப் படையினர் இன்று அதிகாலையில் சோதனை மேற்கொண்டனர்.

அப்போது அங்கு பதுங்கியிருந்த தீவிரவாதிகள், திடீரென பாதுகாப்புப் படையினரை நோக்கி துப்பாக்கிச் சூட்டில் ஈடுபட்டனர். இதையடுத்து பாதுகாப்புப் படையினரும் பதில் தாக்குதலில் ஈடுபட்டனர். இந்த துப்பாக்கிச்சூட்டில் இரண்டு தீவிரவாதிகள் சுட்டுக் கொல்லப்பட்டனர். மேலும் ராணுவ வீரர் ஒருவர் காயமடைந்து ஸ்ரீநகரில் உள்ள ராணுவ மருத்துவமனைக்கு அனுப்பி வைக்கப்பட்டார்.

இதனிடையே அந்தப் பகுதியில் தொடர் துப்பாக்கிச்சூடு நடைபெற்று வருகிறது. முன்னெச்சரிக்கை நடவடிக்கையாக தெற்கு காஷ்மீரில் இணையதள சேவைகள் முடக்கப்பட்டுள்ளன.