தமிழுக்கு முக்கியத்துவம் அளிக்கும் வகையில் குரூப் 2 தேர்வு பாடத்திட்டத்தில் மாற்றம் செய்து தமிழ்நாடு அரசுப் பணியாளர் தேர்வாணையம் அறிவிப்பு வெளியிட்டுள்ளது.
அதன்படி இதுவரை ஒரே தாளாக இருந்த குரூப் 2 தேர்வானது இனி இரு தாள்களாக நடத்தப்பட உள்ளதாகவும் முதல் தாளில் 100க்கு 25 மதிப்பெண்கள் பெற்றால் தான் இரண்டாம்தாள் திருத்தப்படும் எனவும் டி.என்.பி.எஸ்.சி., அறிவித்துள்ளது. முதல்நிலைத் தேர்வில் தமிழக வரலாறு, மரபு பண்பாடு, வளர்ச்சி, நிர்வாகம் உள்ளிட்ட தலைப்புகளின் கீழ் வினாக்கள் இடம் பெறுகின்றன. தமிழுக்கு முக்கியத்துவம் அளிக்கும் வகையில் வல்லுநர்களின் ஆலோசனைக்கு பின் தேர்வில் மாற்றம் செய்யப்பட்டுள்ளதாக தெரிவிக்கப்பட்டுள்ளது.