பிரதமர் ஆக நான் ஒருபோதும் நினைக்கவில்லை – மோடி

பிரதமர் ஆக தான் ஒருபோதும் நினைக்கவில்லை எனவும் நாட்டிற்காக ராணுவத்தில் சேர்ந்து பணியாற்றவே விரும்பியதாகவும் பிரதமர் மோடி தெரிவித்துள்ளார்.

பிரதமர் மோடியுடன் பாலிவுட் நடிகர் அக்ஷய் குமார்  சிறப்பு நேர்காணல் நடத்தினார். அவர் கேட்ட கேள்விகளுக்கு பதிலளித்த மோடி, பிரதமர் ஆக வேண்டும் என்று தான் ஒருபோதும் நினைக்கவில்லை என்றும், ராணுவத்தில் சேர்ந்து இந்தியாவுக்காக பணியாற்றவே விரும்பியதாக கூறினார். உலக தலைவர்களின் சுயசரிதையை படிப்பதில் தனக்கு அதிக ஆர்வம் உள்ளதாக கூறிய பிரதமர், குஜராத் மாநில முதல்வராக பணியாற்றியபோது பிரச்னைகளை நேரடியாக அணுகி அதற்கான தீர்வை காண முயற்சித்துள்ளதாக தெரிவித்தார். மேலும், தனது கடின உழைப்பு, பல்வேறு பிரச்னைகளை தீர்க்க உதவியதாகவும் பிரதமர் மோடி குறிப்பிட்டார். எதிர்க்கட்சித் தலைவர்களுடன் இணக்கமுடன் செயல்பட்டு வருவதாக கூறிய அவர், நகைச்சுவையுடன் பேசினால், சில சமயம் சர்ச்சையாகி விடுவதால், அதை தவிர்ப்பதாக தெரிவித்தார்.