தமிழகம் முழுவதும் இரவு நேரங்களில் பலத்த மழை

வேலூர் மாவட்டம் ஆம்பூர் அருகே கொட்டித் தீர்த்த மழைப் பொழிவால் காட்டாற்று வெள்ளம் ஏற்பட்டுள்ளதால் விவசாயிகள், பொதுமக்கள் மகிழ்ச்சி அடைந்துள்ளனர்.

ஆம்பூர் அடுத்த பைர பள்ளி ஊட்டல் மலைப்பகுதிகளில் கடந்த மூன்று தினங்களாக பெய்து வரும் கனமழையால் அங்குள்ள காப்பு காடுகளில் இருந்து காட்டாற்று வெள்ளம் பெருக்கெடுத்து ஓடுவதால் அப்பகுதி விவசாயிகள் மற்றும் பொதுமக்கள் மகிழ்ச்சி அடைந்துள்ளனர்.

இதேபோன்று, விழுப்புரம் மாவட்டம் செஞ்சி, கிருஷ்ணகிரி மாவட்டம் ஊத்தங்கரை மற்றும் அதன் சுற்றுவட்டார பகுதிகளில் பலத்த மழை பெய்துள்ளது.

திருவண்ணாமலை மாவட்டம் கீழ்பென்னாத்தூர், மங்கலம் ஆகிய பகுதியில் வறட்சி நிலவி வந்த நிலையில் இரண்டு நாட்களாக இடி மின்னலுடன் பெய்த மழையால் பொதுமக்கள் மகிழ்ச்சி அடைந்துள்ளனர்.