இலங்கையில் பெய்து வரும் கனமழையால் வெள்ளத்தில் சிக்கி 7 பேர் உயிரிழந்துள்ளனர்.
இலங்கையின் பல பகுதியில் கடந்த இரண்டு தினங்களாக பலத்த காற்றுடன் கனமழை பெய்து வருகிறது. இதனால் நுவரெலியா, கண்டி, ரத்தினபுரி ஆகிய மாவட்டங்களில் வெள்ளத்தில் சிக்கி இதுவரை 7 பேர் உயிரிழந்துள்ளனர். ரத்தினபுரி பகுதியில் ஆட்டோ மீது மரம் முறிந்து விழுந்ததில் தாய், மகள் உட்பட 3 பேர் உயிரிழந்தனர். கனமழை தொடர்ந்து பெய்து வருவதால் கினிகத்தேன பகுதியில் மண்சரிவு ஏற்பட்டதில் 10 கடைகள் சேதமடைந்தது. பலத்த காற்று காரணமாக கடலுக்கு மீன்பிடிக்க சென்ற 40 படகுகள் மாயாமாகியுள்ளதாக அந்தாட்டு அரசு அறிவித்துள்ளது. மோசமான வானிலை நிலவுவதால் பொதுமக்கள் பாதுகாப்பான இடங்களுக்கு செல்ல அறிவுறுத்தப்பட்டுள்ளது.