ஈரோட்டில் ஒரு மணி நேரத்திற்கு மேலாக பெய்த கனமழை

தமிழகத்தின் 6 மாவட்டங்களில் கனமழை பெய்யும் என வானிலை ஆய்வு மையம் எச்சரித்த நிலையில், பல்வேறு மாவட்டங்களில் மழை வெளுத்து வாங்கியது.

வெப்பச் சலனம் மற்றும் வளிமண்டல மேலடுக்கு சுழற்சி காரணமாக தமிழகத்தின் பல மாவட்டங்களில் மழை பெய்ய வாய்ப்பிருப்பதாக வானிலை ஆய்வு மையம் தெரிவித்திருந்தது. இந்த நிலையில், ஈரோடு மாவட்டம் கோபிசெட்டிப்பாளையம் மற்றும் சுற்றுவட்டாரப் பகுதிகளில் ஒரு மணி நேரத்திற்கும் மேலாக கனமழை பெய்தது. கனமழையினால் சாலைகளில் வெள்ளம் பெருக்கெடுத்து ஓடியது. திடீர் மழையால் வாகன ஓட்டிகள் சிரமத்திற்குள்ளாகினர்.

நீண்ட நாட்களுக்கு பிறகு பெய்த கனமழையால் காரணமாக வெயிலின் தாக்கம் குறைந்து குளிர்ச்சி நிலவியதால் பொதுமக்கள் மகிழ்ச்சியடைந்தனர்.