காவலர் வீரவணக்க நாளை முன்னிட்டுச் சென்னையில் உள்ள காவலர் நினைவுச் சின்னத்தில் காவல்துறை சார்பில் மரியாதை செலுத்தப்பட்டது.
பணியில் இருக்கும் போது உயிர்நீத்த காவல்துறை அதிகாரிகளுக்கு மரியாதை செலுத்தும் விதமாக ஆண்டு தோறும் வீர வணக்க நாள் கடைப்பிடிக்கப்படுகிறது. அந்த வகையில், சென்னை காமராஜர் சாலையிலுள்ள காவலர் நினைவுச் சின்னத்தில், காவல்துறை சார்பில் உயிர்நீத்த காவலர்களுக்கு மரியாதை செலுத்தப்பட்டது. தமிழக காவல்துறை தலைமை இயக்குநர் ஜே.கே.திரிபாதி, காவலர் நினைவுச் சின்னத்தில் மலர் வளையம் வைத்து மரியாதை செலுத்தினார். அவரைத் தொடர்ந்து, சென்னை மாநகரக் காவல்துறை ஆணையர் ஏ.கே.விஸ்வநாதன் மற்றும் காவல் துறை உயரதிகாரிகள் மலர் வளையம் வைத்து மரியாதை செலுத்தினர். இதேபோல் தமிழகத்தில் ஒவ்வொரு மாவட்டங்களிலும் உயிர்நீத்த வீரர்களுக்கு மரியாதை செலுத்தப்பட்டு வருகிறது.