தமிழகம் முழுவதும் 6 ஆயிரத்து 491பணியிடங்களுக்கான குரூப் 4 தேர்வுகள் இன்று நடைபெறுகிறது.
தமிழ்நாடு அரசு பணியாளர் தேர்வு வாரியத்தினால் நடத்தப்படும் இந்தத் தேர்வை 16 லட்சத்து 30 ஆயிரம் பேர் எழுத உள்ளனர்.
காலை 10 மணிக்கு தொடங்கும் இந்த தேர்வானது மூன்று மணி நேரம் நடைபெற உள்ளது. தேர்வு அறைக்கு அரை மணி நேரத்திற்கு முன்னதாகவே வரவேண்டும் என்றும் ஹால் டிக்கெட் தவிர வேறு எதுவும் கொண்டு வரக்கூடாது என்றும் விதிமுறைகள் விதிக்கப்பட்டுள்ளது. முறைகேடான செயல்களில் ஈடுபடுவது, ஒருவரை ஒருவர் பார்த்து எழுதுவது போன்ற செயல்களில் ஈடுபட்டால் கிரிமினல் நடவடிக்கை எடுக்கப்படும் என்றும் டி.என்.பி.எஸ்.சி போட்டித் தேர்வுகளில் பங்கேற்க தடை விதிக்கப்படும் என்றும் எச்சரிக்கப்பட்டுள்ளது. மேலும் தேர்வில் பங்கேற்கும் மாணவர்களின் வசதிக்காக பல்வேறு சிறப்பு ஏற்பாடுகளைத் தமிழக அரசு மேற்கொண்டுள்ளது.