புதிய பாடத்திட்டம் காரணமாக குரூப் 1 முதன்மை எழுத்து தேர்வு ஜூலை இரண்டாவது வாரத்தில் நடைபெறும் என்று டிஎன்பிஎஸ்சி அறிவித்துள்ளது
இதுகுறித்து தமிழ்நாடு அரசுப் பணியாளர் தேர்வாணைய செயலாளர் நந்தகுமார் வெளியிட்டுள்ள அறிவிப்பில், குரூப் 1 தேர்வுக்கான முதல்நிலைத் தேர்வு மார்ச் 3ம் தேதி நடைபெறும் என்றும் முதன்மை எழுத்துத் தேர்வு மே மாதம் கடைசி வாரத்தில் நடைபெறும் என்றும் அறிவிக்கப்பட்டிருந்தது. முதன்மை எழுத்துத் தேர்வுக்கான பாடத்திட்டம் பின்னர் அறிவிக்கப்படும் என்றும் தெரிவிக்கப்பட்டிருந்தது. அதன்படி, முதன்மை எழுத்துத் தேர்வுக்கான பாடத் திட்டங்கள் www.tnpsc.gov.in என்ற தேர்வாணைய இணையதளத்தில் வெளியிடப்பட்டுள்ளது. இந்நிலையில், முதன்மைத் தேர்விற்கான பாடத்திட்டம் மற்றும் தேர்வுத்திட்டம் மாற்றப்பட்டுள்ளதால், தேர்வுக்காகத் தயாராகும் விண்ணப்பதாரர்களுக்கு போதிய கால அவகாசம் தரப்பட வேண்டும் என்பதை கருத்தில் கொண்டு முதன்மை எழுத்துத் தேர்வு ஜூலை இரண்டாம் வாரத்தில் நடத்தப்படும் என்று டிஎன்பிஎஸ்சி அறிவித்துள்ளது