திருப்பரங்குன்றம் சுற்றுவட்டார பகுதியில் பச்சை மிளகாய் சாகுபடி அமோக விளைச்சல் அடைந்துள்ளதால் விவசாயிகள் மகிழ்ச்சியடைந்துள்ளனர்.
மதுரை மாவட்டம் திருப்பரங்குன்றம் பரம்பட்டி மற்றும் அதன் சுற்றுவட்டார பகுதியில் 20க்கும் மேற்பட்ட ஏக்கரில் விவசாயிகள் பச்சை மிளகாய் சாகுபடி செய்துள்ளனர். கிணற்று பாசனத்தில் சாகுபடி செய்யப்பட்டுள்ள நிலையில் அதிக பனிப்பொழிவு அதிகமாக இருப்பதாலும் நல்ல விளைச்சல் கிடைப்பதாக விவசாயிகள் தெரிவித்தனர். ஒருகிலோ பச்சை மிளகாய் 25 முதல் 30 ரூபாய் வரை விற்பனையாவதால், நல்ல லாபம் கிடைப்பதாக விவசாயிகள் மகிழ்ச்சி தெரிவித்தனர்.