சிங்கப்பூர் மற்றும் இலங்கையில் இருந்து சென்னைக்கு விமானத்தில் கடத்தி வரப்பட்ட 63 லட்ச ரூபாய் மதிப்பிலான தங்கம் பறிமுதல் செய்யப்பட்டது.
வெளிநாடுகளில் இருந்து தங்கம் கடத்தி வரப்படுவதாக சுங்கத்துறையினருக்கு ரகசிய தகவல் கிடைத்துள்ளது. இதன் அடிப்படையில், நடத்தப்பட்ட சோதனையில், இலங்கையை சேர்ந்த 5 பெண்கள் உட்பட 6 பேர் தங்கள் உள்ளாடைகளுக்குள் தங்கத்தை மறைத்து கொண்டு வந்தது கண்டுபிடிக்கப்பட்டது.
கடத்தலில் ஈடுபட்ட 6 பேரையும் கைது செய்து விசாரணை நடத்தி வருகின்றனர். அவர்களிடம் இருந்து 63 லட்ச ரூபாய் மதிப்பிலான தங்கம் பறிமுதல் செய்யப்பட்டதாக அதிகாரிகள் தெரிவித்தனர்.