அமெரிக்காவில் ஒரே நாளில் 69 ஆயிரம் பேருக்கு கொரோனா தொற்று கண்டறியப்பட்டுள்ளதால் உலக அளவில் கொரோனாவால் பாதிக்கப்பட்டோரின் எண்ணிக்கை ஒரு கோடியே 56 லட்சத்தை தாண்டியுள்ளது.
உலகிலேயே கொரோனா அதிகம் பாதித்த நாடுகளில் அமெரிக்கா முதலிடத்தில் தொடர்கிறது. அமெரிக்காவில் ஒரே நாளில் 69 ஆயிரத்துக்கும் அதிகமானோர் கொரோனாவால் பாதிக்கப்பட்டுள்ள நிலையில், பாதிப்பு எண்ணிக்கை 41 லட்சத்து 69 ஆயிரத்தை தாண்டியது. கொரோனாவால் 1 லட்சத்து 47 ஆயிரத்திற்கும் அதிகமானோர் உயிரிழந்தனர். பிரேசிலில் ஒரே நாளில் ஆயிரத்து 317 பேர் கொரோனா பாதிப்பால் உயிரிழந்தனர். புதிதாக 58 ஆயிரத்து 80 பேருக்கு கொரோனா இருப்பது தெரியவந்துள்ளதால் பாதிக்கப்பட்டோர் எண்ணிக்கை 22 லட்சத்து 89 ஆயிரத்தை தாண்டியுள்ளது. உலக அளவில் கொரோனாவுக்கு 6 லட்சத்து 36 ஆயிரத்திற்கும் அதிகமானோர் உயிரிழந்தனர். 95 லட்சத்து 34 ஆயிரத்திற்கும் அதிகமானோர் குணமடைந்துள்ளனர்.