இலங்கை கிளிநொச்சி சுண்டிகுளம் சாலையில் நூதன முறையில் கடத்தி வரப்பட்ட கஞ்சாவை பறிமுதல் செய்த காவல்துறையினர் 3 பேரைக் கைது செய்தனர்.
கிளிநொச்சி பகுதியில் கஞ்சா கடத்தப்படுவதாக காவல்துறையினருக்கு ரகசியத் தகவல் கிடைத்தது. இதையடுத்து காவல்துறையினர் இளைஞர்கள் உதவியுடன் அப்பகுதியில் தேடுதல் வேட்டையில் ஈடுபட்டனர். அப்போது சுண்டிகுளம் சாலை வழியே சென்ற வாகனத்தை சோதனை செய்ததில் 115 கிலோ கஞ்சா கடத்தி வரப்பட்டது தெரிய வந்தது. இதையடுத்து கஞ்சாவை பறிமுதல் செய்த அதிகாரிகள் தொடர்ந்து விசாரணை நடத்தி வருகின்றனர். கடல் மார்க்கமாக கஞ்சா கடத்தி வரப்பட்டிருக்கலாம் என்று அதிகாரிகள் தெரிவித்தனர்.