குளித்தலை அருகே அரசு கலைக்கல்லூரியில் டிஎன்பிஎஸ்சி குரூப்-4 தேர்வுக்கான இலவச பயிற்சி வகுப்பினை மாவட்ட ஆட்சியர் அன்பழகன் தொடங்கி வைத்தார்.
கரூர் மாவட்டம் குளித்தலை அருகே அய்யர்மலை அரசு கலைக்கல்லூரியில் வேலைவாய்ப்பு அலுவலகம், தொழில் நெறி வழிமுறை காட்டி மையம், இளைஞர் நலத்துறை இணைந்து டிஎன்பிஎஸ்சி குரூப் 4-க்கான இலவச பயிற்சி மையத்தினை தொடங்கியுள்ளது. இதனை ஆட்சியர் அன்பழகன் குத்து விளக்கேற்றி துவக்கி வைத்தார். பயிற்சி வகுப்பிற்காக வைக்கப்பட்டுள்ள புத்தகங்களை பார்வையிட்ட அவர், குரூப் 4 தேர்வுக்கு எவ்வாறு தயார் செய்து கொள்வது குறித்த அறிவுரைகளை மாணவர்களுக்கு வழங்கினார். இதில், 200க்கும் மேற்பட்ட மாணவர்கள் கலந்து கொண்டனர்.