பெரம்பலூரில் சிறுவர்களுக்கான இலவச கோடைக்கால நீச்சல் பயிற்சி வகுப்புகள் தொடங்கியுள்ளது.
பெரம்பலூர் மாவட்டத்திலுள்ள எம்ஜிஆர் விளையாட்டு மைதானத்தில் தமிழக அரசின் விளையாட்டு மேம்பாட்டு ஆணையத்தின் மூலம் அமைக்கப்பட்ட நீச்சல் குளம் உள்ளது. இங்கு ஆண்டுதோறும் கோடை காலத்தை முன்னிட்டு சிறுவர்களுக்கான நீச்சல் பயிற்சி கற்று கொடுப்பது வழக்கம். அதே போல இந்த ஆண்டுக்கான கோடைக்கால நீச்சல் பயிற்சி துவங்கியுள்ளது. இதில் 8 வயதிற்கு மேற்பட்ட நீச்சல் கற்க ஆர்வம் உள்ள சிறுவர் சிறுமிகள் அனைவருக்கும் நீச்சல் கற்றுக்கொடுக்கப்படுகிறது. கோடை வெயிலின் தாக்கம் காரணமாக நீச்சல் பயிற்சி காலை 8 மணி முதல் 9 மணி வரையிலும் மாலை 4 மணி முதல் 5 மணி வரையிலும் பயிற்சியளிக்கப்படுகிறது. இதில் ஏராளமான சிறுவர் சிறுமியர்கள் கலந்து கொண்டு நீச்சல் பயிற்சி பெற்றனர்.