பழைய மாணவர்கள் ஒன்றிணைந்த நெகிழ்ச்சியான நிகழ்வு

வேலூர் மாவட்டத்தில் “மீண்டும் நாம் பள்ளிக்கு செல்லலாம்” என்ற தலைப்பில் முன்னாள் பள்ளி மாணவர்கள், ஆசிரியர்கள் ஒன்று கூடி மகிழ்ச்சியை வெளிப்படுத்தினர்.

காட்பாடி அருகே செஞ்சியில் 50 ஆண்டுகளுக்கும் மேலாக அரசு உயர்நிலைப் பள்ளி இயங்கி வருகிறது. இந்தப் பள்ளியில் 1964 முதல் 2018ம் ஆண்டு வரை பயின்ற மாணவர்கள், ஆசிரியர்கள், மீண்டும் நாம் பள்ளிக்கு செல்லலாம் என்ற தலைப்பில் ஒன்றிணைந்த நிகழ்ச்சி நடைபெற்றது.இந்த நிகழ்ச்சியில் 1964 முதல் 2018 ஆண்டு வரை பயின்ற ஆயிரத்திற்கும் மேற்பட்ட மாணவர்கள், ஆசிரியர்கள் பல்வேறு மாவட்டங்கள், வெளிநாடுகளில் இருந்து வந்து கலந்து கொண்டு தங்கள் பள்ளி பருவ மகிழ்ச்சியான நாட்களை நினைவு கூர்ந்தனர் பரிமாறிக்கொண்டனர்.

இந்த ஆண்டு பயின்று வரும்மாணவர்கள் நடனம், சிலம்பாட்டம் உள்ளிட்ட நிகழ்ச்சிகளை செய்து காட்டி, முன்னாள் மாணவர்களை உற்சாகமடைய செய்தனர். இந்த நிகழ்ச்சி மூலம் நீண்ட நாட்களுக்கு பிறகு தங்களுடைய சக தோழர்களை சந்தித்ததில் மகிழ்ச்சி அடைவதாக முன்னாள் மாணவர்கள் தெரிவித்தனர்.