விருதுநகரில் இளைஞரை கொலை செய்யப்பட்ட வழக்கில் முன்னாள் ராணுவ வீரர் கைது

ராஜபாளையத்தின் அருகே இளைஞர் வெட்டிகொலை செய்யப்பட்ட வழக்கில், இளைஞரின் உறவினரான முன்னாள் ராணுவ வீரர் காவல் துறையினரால் கைது செய்யப்பட்டார்.

விருதுநகர் மாவட்டம் ராஜபாளையத்தில் புதிய பேருந்து நிலையம் அருகே நேற்று முன் தினம் சதீஷ்குமார் என்பவர் உடலில் வெட்டு காயங்களுடன் கொலை செய்யப்பட்டு கிடந்தார். இதனையடுத்து காவல் நிலையத்தில் தகவல் தெரிவிக்கப்பட்டு, காவல் துறையினர் உடலை மீட்டு விசாரணை மேற்கொண்டனர். அப்போது, உறவினருடன் ஏற்பட்ட முன்விரோதம் காரணமாக கொலை நடந்தது தெரியவந்தது. இதனையடுத்து காவல் துறையினர் முன்னாள் ராணுவ வீரர் நாராயணசாமி என்பவரை கைது செய்து விசாரணை நடத்தினர். விசாரணையில், வீட்டில் வைத்து கொலை செய்து, தள்ளுவண்டி மூலம் சாலையில் வீசிச் சென்றது தெரியவந்தது.