தொடர் மழை காரணமாக குற்றாலம் ஐந்தருவியில் வெள்ளப்பெருக்கு ஏற்பட்டுள்ளதால் சுற்றுலா பயணிகளுக்கு தடை விதிக்கப்பட்டுள்ளது.
மேற்கு தொடர்ச்சி மலை பகுதியை ஒட்டியுள்ள பகுதிகளில் தொடர் மழை பெய்து வருகிறது. குறிப்பாக திருநெல்வேலி மாவட்டம் தென்காசி, குற்றாலம், செங்கோட்டை என பல்வேறு பகுதிகளில் வானம் மேக மூட்டத்துடன் காணப்பட்டது. இதனையடுத்து கற்றுடன் பரவலாக மழை பெய்தது. தொடர்ந்து பெய்த மழை காரணமாக குற்றாலத்தை அடுத்த ஐந்தருவியில் திடீரென வெள்ளப்பெருக்கு ஏற்பட்டது. இதனை அடுத்து ஐந்தருவியில் மட்டும் சுற்றுலா பயணிகள் குளிக்க தடை விதிக்கப்பட்டுள்ளது.