உத்தரபிரதேசத்தில் பயிற்சி விமானம் சுவற்றில் மோதி விபத்து

உத்தர பிரதேசம் மாநிலத்தில், பயிற்சி விமானம் ஒன்று விபத்துக்குள்ளானதில் அதில் பயனம் செய்த 6 பேரும் அதிர்ஷ்டவசமாக உயிர்தப்பினர். 

உத்தர பிரதேச மாநிலம் அலிகார் பகுதியில் தனியார் நிறுவனத்திற்கு சொந்தமான பயிற்சி விமானம் சுவற்றின் மீது மோதி நொறுங்கியது. தரையிறங்கிய போது விமான சக்கரத்தில் ஏற்பட்ட கோளாறால் நிலை தடுமாறிய விமானம், ஓடு பாதையை விட்டு விலகி, சுவற்றின் மீது மோதியது. விபத்து நிகழ்ந்த சில நொடிகளில் விமானம் தீப்பிடித்து எரிந்தது. அதில், பயணம் செய்த 6 பேரும் அதிர்ஷ்டவசமாக உயிர் தப்பினர். இந்த சம்பவம் தொடர்பாக அதிகாரிகள் விசாரணை மேற்கொண்டு வருகின்றனர்.