டாஸ்மாக் கடையில் நடந்த மோதலில் 5 பேருக்கு காயம்

கோவை மாவட்டம், துடியலூர் அருகே இருதரப்பினர் ஒருவருக்கொருவர் மோதிக்கொண்டதில், 5 பேருக்கு காயம் அடைந்தனர்.

கோவை மாவட்டம் துடியலூர் அருகே வெள்ளக்கிணறு பிரிவு ரயில்வே லெவல் கிராசிங் அருகே டாஸ்மாக் கடை மற்றும் பார் இயங்கி வருகிறது. இந்த டாஸ்மாக் கடைக்கு நேற்று முன்தினம் மாலை, மது அருந்த, 5 பேர் கொண்ட கும்பல் வந்துள்ளது. அப்போது அவர்களுக்கும், கடை ஊழியர்களுக்கும் தகராறு ஏற்பட்டது. இதையடுத்து மது அருந்த வந்த ஐந்து பேரையும் கடை ஊழியர்கள் தாக்கியதாக கூறப்படுகிறது. இதில், காயமடைந்த, 5 பேரும் உருட்டுக் கட்டைகளுடன் டாஸ்மாக் கடைக்கு திரும்பி வந்து பாரில் இருந்த பொருட்களை அடித்து நொறுக்கினர். பாரில் இருந்த ஊழியர்களையும் கட்டையால் தாக்கினர். இந்த சம்பவம் குறித்து  துடியலூர் காவல்துறையினருக்கு தகவல் தெரிவிக்கப்பட்டு சி.சி.டி.வி காட்சிகளை வைத்து விசாரணை நடத்தினர். விசாரணையில் தகராறு செய்து அடிதடியில் ஈடுபட்ட மதிவானன், ரகுபதி, கண்ணன் மற்றும் சக்திவேல் உள்ளிட்ட 4 பேரும் கைது செய்யப்பட்டனர். மேலும் தப்பி ஓடிய 4 பேரை காவல்துறையினர் தேடி வருகின்றனர்.