10 ம் வகுப்பு பொதுத் தேர்வு எழுதிய மாணவர்களுக்கு மதிப்பெண் சான்றிதழ்கள் இன்று முதல் பள்ளிகளில் விநியோகம் செய்யப்பட உள்ளன.
இது தொடர்பாக தேர்வுத்துறை இயக்குநர் உஷாராணி வெளியிட்டுள்ள செய்திக் குறிப்பில், 10 ம் வகுப்பு பொதுத்தேர்வு எழுதிய மாணவர்களின் தற்காலிக மதிப்பெண் சான்றிதழ்களை தலைமை ஆசிரியர்கள் பதிவிறக்கம் செய்து அதன் விவரங்களை சரிபார்த்து வைத்துக் கொள்ளவேண்டும் என குறிப்பிடப்பட்டுள்ளது. சான்றிதழ்களை இன்று முதல் வரும் ஆகஸ்ட் 21 ம் தேதி வரை மாணவர்களுக்கு விநியோகிக்க வேண்டும் எனவும் தெரிவிக்கப்பட்டுள்ளது. சான்றிதழ்களில் ஏதேனும் பிழைகள் இருப்பின் தலைமை ஆசிரியரே திருத்தங்கள் செய்து சான்றொப்பமிட்டு வழங்க வேண்டும் எனவும் கூறப்பட்டுள்ளது.