திருப்பதி ஏழுமலையான் கோவில் பிரம்மோற்சவத்தின் ஐந்தாம் நாளான இன்று மோகினி அவதாரத்தில் சுவாமி வீதி உலா நடைபெற்றது.
திருப்பதி ஏழுமலையான் கோவிலில் பிரம்மோற்சவம் கடந்த 30 ஆம் தேதி கொடியேற்றத்துடன் தொடங்கியது. இதையடுத்து பிரம்மோற்சவத்தின் 4 ஆம் நாளான நேற்றிரவு சர்வ பூபாள வாகனத்தில் சுவாமி வீதி உலா வந்தார். பிரம்மோற்சவத்தின் 5 ஆம் நாளான இன்று காலை நாச்சியார் திருக்கோலமான மோகினி அலங்காரத்தில், மாய மோகத்தைப் போக்கும் வகையில் பக்தர்களுக்கு அருள் பாலித்தார்.
அசுரர்களும் தேவர்களும் பாற்கடலில் அமிர்தம் கடைந்த நிகழ்வைக் கலைஞர்கள் நடித்துக் காட்டியது பார்வையாளர்களைப் பெரிதும் கவர்ந்தது.