நாகை மாவட்டம் வேதாரண்யம் சுற்றுவட்டாரப் பகுதிகளில் சம்பா நடவு பணியில் விவசாயிகள் தீவிரம் காட்டி வருகின்றனர்.
இந்த வருடம் சரியான நேரத்தில் மழை பெய்ததால், தேவையான காவிரி நீர் கிடைத்துள்ளது. மேலும் குடிமராமத்து மூலம் தூர்வாரப்பட்ட நீர் நிலைகளும் நிரம்பியுள்ளது. இதன் மூலம் விவசாயத்திற்கு தேவையான தண்ணீர் கிடைத்துள்ளதால், கோவில்பத்து, வெள்ளப்பள்ளம், கள்ளிமேடு போன்ற சுற்றுவட்டாரப் பகுதிகளில் சம்பா நடவு பணியில் விவசாயிகள் ஆர்வமுடன் ஈடுபட்டு வருகின்றனர். இதனால் நல்ல விளைச்சல் ஏற்பட்டு அதிக மகசூல் கிடைக்க வாய்ப்புள்ளதால் விவசாயிகள் மகிழ்ச்சியடைந்துள்ளனர்.