குண்டு மல்லி விவசாயத்தில் நல்ல லாபம் ஈட்டும் விவசாயி

கடலூர் மாவட்டம், குறிஞ்சிப்பாடி அருகே குண்டு மல்லி விவசாயத்தில் நல்ல லாபம் ஈட்டி வருவதாக விவசாயி இராமலிங்கம் தெரிவித்துள்ளார்.

கல்குணம் கிராமத்தை சேர்ந்த விவசாயி இராமலிங்கம் என்பவர், குண்டு மல்லி நடவு செய்வதில் அதிக ஆர்வம் காட்டி வருகிறார். கடந்த 9 வருடமாக குண்டு மல்லி விவசாயம் செய்து வரும் இவர், குறைந்த அளவில் செலவு செய்து, அதில் லாபம் ஈட்டுவதாகவும் கூறுகிறார்.

இது குறித்து அவர் கூறுகையில், ஒரு வருடத்தில் பத்து மாதங்களில் பூக்கள் பூப்பதாகவும், அதிலும் நல்ல லாபம் கிடைப்பதாகவும் தெரிவித்தார். மேலும், குண்டு மல்லி பூவின் விலை விஷேஷ காலங்களிலும், மற்ற மாதத்திற்கு ஏற்றவாறு விலை கூடினாலும், குறைந்தாலும் கூட தங்களுக்கு போதுமான லாபம் கிடைப்பதாக விவசாயி இராமலிங்கம் தெரிவித்தார்.