சொட்டு நீர் பாசனம் மூலம் பூந்தோட்டம் அமைத்து லாபம் ஈட்டும் விவசாயி

செங்கம் அருகே சொட்டு நீர் பாசனம் மூலம் பூந்தோட்டம் அமைத்து விவசாயி ஒருவர் நல்ல லாபம் ஈட்டி வருகிறார்.

திருவண்ணாமலை மாவட்டம் புதிய குயிலம் பகுதியில் வசித்து வருபவர் சம்பத். இவர் தனது இரண்டு ஏக்கர் விவசாய நிலத்தில் பூந்தோட்டம் அமைத்துள்ளார். போதிய தண்ணீரின்றி சிரமப்பட்டு வந்த நிலையில், தோட்டக்கலை அலுவலரை அணுகி அவர் ஆலோசனை பெற்றார். இதன் மூலம் 2 லட்சம் மதிப்புள்ள சொட்டு நீர் பாசன உபகரணங்களை மானியமாக பெற்ற அவர், அவற்றை பயன்படுத்தி நல்ல லாபம் ஈட்டி வருகிறார். தினமும், 20 முதல் 30 கிலோ வரை பூ விளைச்சல் இருப்பதாக கூறியுள்ள அவர், சொட்டு நீர் பாசனம் மூலம் நல்ல மகசூல் கிடைப்பதாக மகிழ்ச்சி தெரிவித்துள்ளார்.