கொரோனா அச்சுறுத்தல் காரணமாக தனது பிறந்தநாள் கொண்டாட்டங்களில் ஈடுபட வேண்டாம் என ரசிகர்களுக்கு நடிகர் விஜய் அறிவுறுத்தி உள்ளார்.
இதுகுறித்து விஜய் மக்கள் மன்ற சார்ப்பில் நடிகர் விஜய் வெளியிட்டுள்ள அறிவிப்பில் தற்போதைய சூழலில் கொரோனா தொற்று அதிகரித்து வருவதால், வரும் 22ஆம் தேதி தனது பிறந்தநாள் அன்று ரசிகர்கள் நலத்திட்ட உதவிகள் வழங்குவது, விளம்பரங்கள் செய்வது உள்ளிட்ட எந்தவித செயல்களிலும் ஈடுபட வேண்டாம் என அறிவுறுத்தியுள்ளார். கொரோனா பரவலைக் கட்டுப்படுத்த அரசு வழிமுறைகளை பின்பற்றி, குடும்பத்தினரை கவனத்துடன் பார்த்து கொள்ள வேண்டும் என்றும் நடிகர் விஜய் ரசிகர்களுக்கு கோரிக்கை விடுத்துள்ளார்.