யானைகள் புத்துணர்வு முகாமில் பங்கேற்று திரும்பிய புதுச்சேரி மணக்குள விநாயகர் கோயில் யானை லட்சுமிக்கு சிறப்பான வரவேற்பு அளிக்கப்பட்டது.
தமிழகத்தில் உள்ள கோயில்கள் மற்றும் மடங்களைச் சேர்ந்த யானைகளுக்கு புத்துணர்வு அளிக்கும் வகையில் இந்து சமய அறநிலையத் துறை சார்பில் யானைகள் சிறப்பு நல வாழ்வு முகாம் ஆண்டு தோறும் நடைபெற்று வருகின்றது. இந்தாண்டு கடந்த டிசம்பர் 14ஆம் தேதி தொடங்கிய முகாம் நேற்றுடன் நிறைவடைந்தது. தமிழகம் மற்றும் புதுச்சேரியில் இருந்து மொத்தம் 28 யானைகள் பங்கேற்றன. இந்தநிலையில் முகாமில் பங்கேற்ற புதுச்சேரி மணக்குள விநாயகர் கோயில் யானை லட்சுமி லாரி மூலம் புதுச்சேரி வந்தடைந்தது.முகாமை பங்கேற்று திரும்பிய யானை லட்சுமிக்கு கோயில் நிர்வாகம் சிறப்பான வரவேற்பு அளிக்கப்பட்டு, பின்னர் கோயிலுக்கு அழைத்து செல்லப்பட்டது.