அரசுப் பணியாளர் தேர்வாணையத்தினால் நடத்தப்படும் குரூப் 4 தேர்வுக்கான தேதி அறிவிக்கப்பட்டுள்ளது.
கிராம நிர்வாக அலுவலர், இளநிலை உதவியாளர், நில அளவர், வரைவாளர் உள்ளிட்ட பணியிடங்களுக்காக, குரூப் 4 தேர்வுகள் நடத்தப்படுகிறது. இந்நிலையில், டி.என்.பி.எஸ்.சி குரூப் 4 தேர்வுக்கு, வரும் 14 ஆம் தேதி முதல் விண்ணப்பிக்கலாம் என தமிழ்நாடு அரசுப் பணியாளர் தேர்வாணையம் அறிவிப்பு வெளியிட்டுள்ளது. விண்ணப்பிப்பதற்கான கடைசி நாள் ஜூலை 14 ஆம் தேதி என்றும் அறிவிக்கப்பட்டுள்ளது. வருகின்ற செப்டம்பர் 1 ஆம் தேதி குரூப் 4 தேர்வுகள் நடைபெறுகின்றன. விண்ணப்பிப்பவர்களுக்கான கல்வித் தகுதி, தேர்வுக்கான கட்டணம் உள்ளிட்ட பல்வேறு விவரங்களை www.tnpsc.gov.in என்ற இணையதள முகவரியில் அறிந்து கொள்ளலாம்.